🌄ଅଜିର ଖବର,, ୨୮-ଏପ୍ରିଲ୍-୨୦୨୨, ଗୁରୁବାର

 

 🌄ଅଜିର ଖବର,, ୨୮-ଏପ୍ରିଲ୍-୨୦୨୨, ଗୁରୁବାର

ଆଜି ଉତ୍କଳଗୌରବ ମଧୁସୂଦନ ଦାସଙ୍କ ଜନ୍ମଜୟନ୍ତୀ ।

•┈┈┈┈┈┈┈┈┈┈┈┈┈┈┈┈┈┈┈┈┈┈•

➡️୧-ଆଜିଠୁ ଆରମ୍ଭ ହେଉଛି ଯୁକ୍ତ ଦୁଇ ବୋର୍ଡ ପରୀକ୍ଷା । ଦୁଇ ବର୍ଷ ପରେ ଛାତ୍ରଛାତ୍ରୀ ଅଫଲାଇନରେ ପରୀକ୍ଷା ଦେବେ । ସକାଳ ୯ଟାରୁ ଆରମ୍ଭ ହୋଇ ଦିନ ୧୨ଟା ପର୍ଯ୍ୟନ୍ତ ଚାଲିବ ଏହି ପରୀକ୍ଷା । ଆଜି ପରୀକ୍ଷାର ପ୍ରଥମ ଦିନରେ କଳା ଓ ବାଣିଜ୍ୟ ଛାତ୍ରଛାତ୍ରୀ ଏମଆଇଏଲ (ଓଡ଼ିଆ) ବିଷୟରେ ପରୀକ୍ଷା ଦେବେ ।

➡️୨-ରାଜ୍ୟରେ ଚାଲିଥିବା ପ୍ରବଳ ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ପରୀକ୍ଷାରେ ସାମାନ୍ୟ ପରିବର୍ତ୍ତନ ଆଣିଲେ । ଦ୍ବିତୀୟ ସିଟିଂରେ ହେବାକୁ ଥିବା ପରୀକ୍ଷା ପ୍ରଥମ ସିଟିଂରେ ହେବ । ଆସନ୍ତାକାଲି ଠାରୁ ମେ ୬ ଯାଏଁ ସକାଳ ୮ ଟା ରୁ ୧୦ଟା ମଧ୍ୟରେ ମାଟ୍ରିକ ପରୀକ୍ଷା ହେବ ।

➡️୩-ପ୍ରବଳ ଖରାକୁ ଦୃଷ୍ଟିରେ ରଖି ରାଜ୍ୟ ସରକାର ସମସ୍ତ ବୈଷୟିକ ଶିକ୍ଷାନୁଷ୍ଠାନଗୁଡ଼ିକୁ ଆଜିଠାରୁ ମେ’ ୨ ତାରିଖ ପର୍ଯ୍ୟନ୍ତ ଛୁଟି କରିବାକୁ ନେଲେ ନିଷ୍ପତ୍ତି । କ୍ଲାସ ବନ୍ଦ ହେଲେ ମଧ୍ୟ ପରୀକ୍ଷା ଚାଲୁ ରହିବ ବୋଲି ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ ପକ୍ଷରୁ ଦେଲେ ସୂଚନା ।

➡️ ୪-କଣ୍ଟିଲୋ ନୀଳମାଧବ ପୀଠର ବିକାଶ ପ୍ରକଳ୍ପକୁ ଅନୁମୋଦନ ଦେଲେ ମୂଖ୍ୟମନ୍ତ୍ରୀ ; ଖର୍ଚ୍ଚ ହେବ ୧୦୦ କୋଟି ଟଙ୍କା । ୧୮ ମାସରେ ଶେଷ ହେବ କାମ ।

➡️୫-ତେଲ ଉପରୁ ଟିକସ କମାଇବାକୁ ରାଜ୍ୟଗୁଡିକୁ କହିଲେ ମୋଦି । ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା ବେଳେ ପ୍ରଧାନମନ୍ତ୍ରୀ କଲେ ଅପିଲ୍ ।

➡️ ୬-ପ୍ରଚଣ୍ତଖରା ରେ ସିଝୁଛି ସାରା ରାଜ୍ୟ । ରାଜ୍ୟରେ ୨୪ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରେକର୍ଡ କରାଯାଇଥିବା ବେଳେ ସେଥିରୁ ୪ଟି ସହରର ତାପମାତ୍ରା ୪୪ ଡିଗ୍ରୀ ସେଲ୍‌ସିୟସ ବା ତା’ ଉପରେ ରହିଛି। ସୋନପୁରରେ ସର୍ବାଧିକ ୪୪.୫ ଡିଗ୍ରୀ ସେଲ୍‌ସିୟସ ରେକର୍ଡ କରାଯାଇଛି।

➡️ ୭-ମୋଦି ସରକାର ଦେଶରେ ଖୁବଶିଘ୍ର ଆଣିବେ ବଡ ଧରଣର ଆଇନଗତ ପରିବର୍ତ୍ତନ । ଏଥିଲାଗି ସରକାର ଦେଶର ନାମିଦାମୀ ଲ ୟୁନିଭର୍ସିଟିଜ, ସାଂସଦ, ଆଇନ ବିଷାରଦ, ପୂର୍ବତନ ଜଜ୍ ଓ ଅବସରପ୍ରାପ୍ତ ପ୍ରଶାସନିକ ସେବା ଅଧିକାରୀଙ୍କଠାରୁ ପରାମର୍ଶ ଲୋଡିଛନ୍ତି। 

➡️୮-ହ୍ୱାଟସପ୍ ପେମେଣ୍ଟ ବ୍ୟବହାରକାରୀଙ୍କ ପାଇଁ ଖୁସି ଖବର, ଏଣିକି ଅର୍ଥ ନେଣଦେଣ ଉପରେ ମିଳିବ କ୍ୟାସବ୍ୟାକ ।

➡️୯-ବୀମା କମ୍ପାନୀ ଏଲଆଇସି ଗତକାଲି ଆଇପିଓ ବିକ୍ରି କରିବା ନେଇ କଲା ଘୋଷଣା । ଏହି ଆଇପିଓ ଶେୟାର ଧାରକ ହେବା ନିମନ୍ତେ ଆସନ୍ତା ମେ ୪ ତାରିଖରୁ ୯ ତାରିଖ ପର୍ଯ୍ୟନ୍ତ ସାଧାରଣ ଲୋକଙ୍କ ନିମନ୍ତେ ମିଳିବ ସୁଯୋଗ । ଏଲଆଇସି ୩.୦ରେ ଲୋକଙ୍କୁ ଏହି ସୁଯୋଗ ମିଳିବ।

➡️୧୦-ଅନ୍ତର୍ଜାତୀୟ ପ୍ରଭାବଶାଳୀ ସେଲିବ୍ରିଟି ତାଲିକାର ଷଷ୍ଠ ସ୍ଥାନରେ ରହିଲେ ଆଲିଆ, ବଡ଼ ବଡ଼ ମହାରଥୀଙ୍କୁ ପଛରେ ପକାଇ‌ଲେ ।

➡️୧୧-ମାଲାୟାଲମ ଚଳଚ୍ଚିତ୍ର ନିର୍ମାତା ବିଜୟ ବାବୁଙ୍କ ବିରୋଧରେ ଆସିଲା ଦୁଷ୍କର୍ମ ଅଭିଯୋଗ । ବିଜୟ ତାଙ୍କୁ ଶାରିରୀକ ନିର୍ୟାତନା ଦେବା ସହିତ ମାର୍ଚ୍ଚ ୧୩ ତାରିଖରୁ ୧୪ ଏପ୍ରିଲ ୨୦୨୨ ପର୍ୟ୍ୟନ୍ତ ତାଙ୍କର ଯୌନ ଶୋଷଣ କରିଥିଲେ ବୋଲି ମହିଳା ଅଭିଯୋଗରେ ଦର୍ଶାଇଛନ୍ତି। 

➡️୧୨-ଦିନକରେ ୬.୩ ଆରବ ଡଲାର ବଢିଲା ସମ୍ପତ୍ତି । ଏବେ ବିଶ୍ୱର ଚତୁର୍ଥ ଧନୀ ବ୍ୟକ୍ତି ଗୌତମ ଅଦାନୀ । ବିଲ୍ ଗେଟସଙ୍କ ସମ୍ପତ୍ତିର ହେଲେ ସମକକ୍ଷ ।

➡️୧୩-ଦେଶରେ ଗୁରୁତର ହେଉଛି ବିଦ୍ୟୁତ ସଂକଟ, ୟୁପିରେ ୧୭ ଦିନ ଜାଗାରେ ମାତ୍ର ୭ ଦିନ ଲାଗି ଅଛି କୋଇଲା ଷ୍ଟକ୍ । ଏବେ ରାଜ୍ୟର ବିଦ୍ୟୁତ ଚାହିଦା ଗତ ୩୮ ବର୍ଷର ସର୍ବୋଚ୍ଚ ସୀମାକୁ ଛୁଇଁଛି।

➡️୧୪-ଜାମ୍ମୁ କାଶ୍ମୀରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ହୋଇଥିବା କ୍ୟାବିନେଟ ବୈଠକରେ ଜଳ ବିଦ୍ୟୁତ ପ୍ରକଳ୍ପକୁ ମିଳିଲା ଅନୁମତି । ଜାମ୍ମୁକାଶ୍ମୀରରେ ଚିନାବ ନଦୀରେ ୫୪୦ ମେଗାୱାଟର ଜଳ ବିଦ୍ୟୁତ ପ୍ରକଳ୍ପ ତିଆରି ହେବ। ଏହି ପ୍ରକଳ୍ପରେ ମୋଟ ୨୩ହଜାର କୋଟି ଟଙ୍କା ଖର୍ଚ୍ଚ ହେବ। 

➡️୧୫-ପାକିସ୍ତାନର ବୈଦେଶିକ ମନ୍ତ୍ରୀ ଭାବେ ଶପଥ ନେଲେ ବିଲାୱଲ ଭୁଟ୍ଟୋ ଜର୍ଦାରୀ ।

➡️୧୬-ପୋଲାଣ୍ଡ ଓ ବୁଲଗେରିଆକୁ ଗ୍ୟାସ୍ ଓ ତୈଳ ରପ୍ତାନୀ ବନ୍ଦ କରିଦେଲା ରୁଷ ।

➡️୧୭-ଚୀନର ଚେତାବନୀ : ପାକ୍‌ ଆତଙ୍କବାଦୀ ଆଡ୍ଡା ଉପରେ ଆକାଶ ମାର୍ଗରୁ ଆକ୍ରମଣ ହୋଇପାରେ ସମ୍ଭାବନା ।

➡️୧୮-ଭାରତୀୟ ଟ୍ବେଣ୍ଟି-୨୦ ଦଳରୁ ବାଦ ପଡ଼ିପାରନ୍ତି କୋହଲି । ୨୦୧୯ ମସିହାରୁ ‌ଗୋଟିଏ ହେଲେ ବି ଶତକ ଅର୍ଜନ କରିନପାରିବା ସହ ଚଳିତ ଆଇପିଏଲ୍‌ରେ କ୍ରମାଗତ ଭାବେ ବିଫଳ ହୋଇ ଚାଲିଛନ୍ତି ।

➡️୧୯-ପୁଣି ଥରେ ମୁହାଁମୁହିଁ  ହେବେ ଦୁଇ ଚିର ପ୍ରତିଦ୍ଵନ୍ଦ୍ଵୀ ଭାରତ ଓ ପାକିସ୍ତାନ। ମେ ୨୩ ତାରିଖରେ ଏସିଆ କପ ପୁରୁଷ ହକି ଟୁର୍ଣ୍ଣାମେଣ୍ଟରେ ଡିଫେଣ୍ଡିଂ ଚାମ୍ପିଅନ ଭାରତ ଏବଂ ପାକିସ୍ତାନ ମଧ୍ୟରେ ଏହି ମୁକାବିଲା ଖେଳାଯିବ। ଟୁର୍ଣ୍ଣାମେଣ୍ଟ ମେ ୨୩ରୁ ଜୁନ ୧ ପର୍ଯ୍ୟନ୍ତ ଖେଳାଯିବ।

➡️୨୦-ଭୁବନେଶ୍ବରରେ ହେବାକୁ ଯାଉଛି ପ୍ରଥମ ରାଜ୍ୟସ୍ତରୀୟ ଟାଇବକ୍ସ ପ୍ରତିଯୋଗିତା। ସ୍ଥାନୀୟ ବୁଦ୍ଧେଶ୍ୱରୀ କଲୋନୀ କମ୍ପ୍ଲେକ୍ସ ସେଣ୍ଟରଠାରେ ଏହି ପ୍ରତିଯୋଗିତା ଆସନ୍ତା ମେ’ ମାସ ୧ ତାରିଖ ଦିନ ଆୟୋଜିତ ହେବ।