🌅ଆଜିର ଖବର, ୦୩-ଏପ୍ରିଲ୍-୨୦୨୨, ରବିବାର

ତାରିଖ ୦୩-୦୪-୨୦୨୨/ରବିବାର ର ଖବର

୧-ଭାରତ ସହ ବିବାଦର ସମାଧାନ ପାଇଁ ଆଲୋଚନା ହିଁ ହେଉଛି ଉପାୟ: ଜେନେରାଲ ବାଜୱା ।

୨-ଦିଲ୍ଲୀ-ଗୁଜୁରାଟ ହାଇ ଡ୍ରାମା ମ୍ୟାଚରେ ଶେଷରେ ବିଜୟଲାଭ କରିଛି ଗୁଜୁରାଟ ଟାଇଟନ୍ସ । ଲଗାତାର ଦ୍ୱିତୀୟ ମ୍ୟାଚରେ ଦ୍ୱିତୀୟ ବିଜୟ ହାସଲ କରିଛନ୍ତି ଅଧିନାୟକ ହାର୍ଦ୍ଦିକ ପାଣ୍ଡ୍ୟା ।

୩-ଫେଲ ମାରିଲା ଦୁଇ ଦୁଇଟି ଅର୍ଦ୍ଧଶତକ: ନିଜ ମାଟିରେ ରାଜସ୍ଥାନଠୁ ହାରିଲା ମୁମ୍ବାଇ ପଲଟନ ।

୪-ରାଜସ୍ଥାନ କରୌଲୀରେ ତୁମୁଳକାଣ୍ଡ । ବାଇକ୍ ରାଲି ଉପରକୁ ଭୟଙ୍କର ପଥରମାଡ । ଲାଗିଲା କର୍ଫ୍ୟୁ, କଟିଲା ଇଣ୍ଟରନେଟ୍ । 

୫-ୟୁକ୍ରେନ୍ ମାୟକୋଲାଇବର ଗଭର୍ଣ୍ଣର ଅଫିସ୍ ଉପରେ ଋଷର ରକେଟ୍ ମାଡ଼; ମୃତ୍ୟୁ ସଂଖ୍ୟା ୩୩କୁ ବୃଦ୍ଧି, ୩୪ ଆହତ ।

୬-ମାର୍ଚ୍ଚର ତାପମାତ୍ରା ୧୨୨ ବର୍ଷର ରେକର୍ଡ ଭାଙ୍ଗିଲା: ଏପ୍ରିଲରେ ଆହୁରି ଜଳିବ ପଶ୍ଚିମ ଓଡ଼ିଶା। 

୭-ଶ୍ରୀମନ୍ଦିର ଚତୁଃପାର୍ଶ୍ବ ଖନନ, ନିର୍ମାଣ ପ୍ରସଙ୍ଗ: ପ୍ରତିବାଦ ବଢ଼ୁଛି, ନିର୍ମାଣ ବି ଚାଲିଛି ।

୮-ଜିଏସ୍‌ଟି ଆଦାୟରେ ୪୯% ବୃଦ୍ଧି: ପେଟ୍ରୋଲ ଓ ମଦରୁ ମିଳିଛି ୯୯୫୫ କୋଟିର ଭାଟ୍‌ ।

୯-ବହୁଚର୍ଚ୍ଚିତ କଳ୍ପନା ଦାଶ ଓ ତାଙ୍କ ଝିଅ ବବ୍‌ଲି ହତ୍ୟା ମାମଲାର ବ୍ରଜରାଜନଗରର ପୂର୍ବତନ ବିଧାୟକ ଅନୁପ ସାଏଙ୍କୁ ଆଜୀବନ ଜେଲଦଣ୍ଡାଦେଶ ମିଳିଛି। 

୧୦-ପାକିସ୍ତାନରେ ଇମ୍ରାନ୍‌ ଖାନ୍‌ ସରକାରର କାଉଣ୍ଟ୍‌ଡାଉନ୍‌ ଆରମ୍ଭ ହୋଇଯାଇଛି। ଆଜି ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ ଉପରେ ଭୋଟ୍‌ ଗ୍ରହଣ ହେବ। ଭୋଟରେ ସେ ହାରିଯିବା ନିଶ୍ଚିତ। ଏଥିରେ କ୍ଷୁବ୍ଧ ଥିବା ଇମ୍ରାନ୍‌ ସମଗ୍ର ଘଟଣା ପାଇଁ ବିରୋଧୀ ଦଳ ଏବଂ ଆମେରିକାକୁ ଦାୟୀ କରିଛନ୍ତି। ଏହାର ପ୍ରତିବାଦ କରି ଲୋକଙ୍କୁ ରାସ୍ତାକୁ ଓହ୍ଲାଇବା ପାଇଁ ଆହ୍ବାନ ଦେଇଛନ୍ତି।

୧୧-ଓଡ଼ିଶାରେ ରାଜପଥ ସଂପ୍ରସାରଣ ପାଇଁ ୮୨୩ କୋଟି ମଞ୍ଜୁର କଲା କେନ୍ଦ୍ର ।

୧୨-ବରିଷ୍ଠ ଆଇଏଏସ୍ ବୀର ବିକ୍ରମ ଯାଦବଙ୍କୁ ବଡ ଦାୟିତ୍ୱ । ଶ୍ରୀମନ୍ଦିର ନୂଆ ମୁଖ୍ୟ ପ୍ରଶାସକ ଭାବେ ମିଳିଲା ଦାୟିତ୍ୱ । 

୧୩-ରାମନବମୀରୁ ଗଡିବ ପୁରୀ-ସମ୍ବଲପୁର ଇଣ୍ଟରସିଟି: ଭେଟି ଦେଲେ ସରକାର ।

୧୪-‘ଦ କାଶ୍ମୀର ଫାଇଲ୍ସ’ ପରି ରାମ ମନ୍ଦିର ସଂଘର୍ଷ ଉପରେ ମଧ୍ୟ ନିର୍ମାଣ ହେଉ ଫିଲ୍ମ- ସାଧ୍ଵୀ ଋତୁମ୍ଭରା ।

୧୫-ଆରପିଏଫର ‘ଅପରେସନ ଉପଲବ୍ଧ’, ସାରା ଦେଶରୁ ୧୪୫୯ ଦଲାଲ ଗିରଫ ।

୧୬-ପଞ୍ଜାବ ପରେ ଆପ୍ ଫୋକସରେ ମୋଦୀ-ଶାହାଙ୍କ ଗଡ ଗୁଜରାଟ । କେଜ୍ରିୱାଲ କହିଲେ ପଞ୍ଜାବ ପରି ଥରେ ଦିଅନ୍ତୁ ଆପକୁ ସମର୍ଥନ । 

୧୭-ଶ୍ରୀଲଙ୍କାରେ ଜରୁରୀ ପରିସ୍ଥିତି । ବିଗୁଡୁଛି ସ୍ଥିତି, ସବୁଠି ହିଂସାର ନିଆଁ । ଜଳୁନି ବିଜୁଳି, ମହମବତୀ ଗାଏବ, ମିଳୁନି ଔଷଧ ।

୧୮-ପେଟ୍ରୋଲ/ଡିଜେଲ

•ପେଟ୍ରୋଲ/ଡିଜେଲ ଦାମ୍ ବେଲଗାମ୍; ଆଜି ପୁଣି ବଢ଼ିଲା

•୧୩ ଦିନ ଭିତରେ ୧୧ ଥର ପାଇଁ ବଢ଼ିଲା ତୈଳ ଦାମ୍

•ଦିଲ୍ଲୀରେ ୮୦ ପଇସା ଲେଖାଏଁ ବଢ଼ିଲା ପେଟ୍ରୋଲ/ଡିଜେଲ

•ମୁମ୍ବାଇରେ ପେଟ୍ରୋଲ ୮୪ ଓ ଡିଜେଲ ୮୫ ପଇସା ବଢ଼ିଲା

•ଚେନ୍ନାଇରେ ୭୫ ପଇସା ଲେଖାଏଁ ବଢ଼ିଲା ପେଟ୍ରୋଲ/ଡିଜେଲ

• କୋଲକାତାରେ ପେଟ୍ରୋଲ ୮୪ ଓ ଡିଜେଲ ୮୦ ପଇସା ବଢ଼ିଲା

୧୯-ଆଜି ଇମ୍ରାନ ଖାନ୍‌ଙ୍କ ଭାଗ୍ୟ ପରୀକ୍ଷା

•ଆଜି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍‌ଙ୍କ ଭାଗ୍ୟ ପରୀକ୍ଷା

•ପାକିସ୍ତାନ ନ୍ୟାସନାଲ ଆସେମ୍ବଲିରେ ଆଜି ଅନାସ୍ଥା ପ୍ରସ୍ତାବ ଉପରେ ଭୋଟିଂ

•୩୪୨ ସଦସ୍ୟ ବିଶିଷ୍ଟ ନ୍ୟାସନାଲ ଆସେମ୍ବଲିରେ ବିଜୟ ସମ୍ଭାବନା  କମ୍

•ସଂଖ୍ୟାଗରିଷ୍ଠତା ପ୍ରମାଣ ପାଇଁ ଇମ୍ରାନଙ୍କ ପାଖରେ ନାହିଁ ସମର୍ଥନ

•ପାକିସ୍ତାନ ସେନାବାହିନୀ ମଧ୍ୟ ଇମ୍ରାନଙ୍କ ହାତ ଛାଡ଼ି ସାରିଥିବା ଚର୍ଚ୍ଚା

୨୦-ଇସଲାମାବାଦରେ ୧୪୪ ଧାରା ଜାରି । ପାକିସ୍ତାନ ଭବିଷ୍ୟତ ପାଇଁ ଗୁରୁତ୍ୱପୂର୍ଣ୍ଣ ଦିନ

ରବିବାର ପାକିସ୍ତାନ ଭବିଷ୍ୟତ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ । ପାକିସ୍ତାନ ସଂସଦରେ ଦେଶର ବଜିର- ଏ- ଆଜମଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ଉପରେ ଭୋଟିଂ ହେବ । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କ ଦଳ ନିଜ ଷ୍ଟାଣ୍ଡରେ ପରିବର୍ତ୍ତନ କରି ରବିବାର ଭୋଟିଂରେ ଭାଗନେବାକୁ ଘୋଷଣା କରିଦେଇଛି ।ଇମ୍ରାନଙ୍କ ଘୋଷଣା ପରେ କେବଳ ସଂସଦ ନୁହେଁ ସଂସଦ ବାହାରେ ବି ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ପାକିସ୍ତାନର ରାଜଧାନୀ ଇସଲାମାବାଦରେ ୧୪୪ ଧାରା ଜାରି କରାଯାଇଛି । ଯାହା ଆସନ୍ତା ୨ ମାସ ପର୍ଯ୍ୟନ୍ତ ଅର୍ଥାତ୍ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଲାଗୁ କରାଯିବ । ଅବିଶ୍ୱାସ ପ୍ରସ୍ତାବ ଉପରେ ଭୋଟିଂ ଦିନ ଅର୍ଥାତ୍ ୩ ଏପ୍ରିଲରେ ମେଟ୍ରୋ ବସ୍ ସେବା ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି । ସଂସଦ ସମେତ ପ୍ରମୁଖ ବିଲଡିଂ ଥିବା ଅଞ୍ଚଳକୁ ରେଡ୍ ଜୋନ୍ ଘୋଷଣା କରି ଘେରାବନ୍ଦୀ କରି ରଖାଯାଇଛି । ସେହି ବାଟରେ ଯାଇଥିବା ରାସ୍ତାରେ କଣ୍ଟେନର ରଖିଦିଆଯାଇଛି । ସାଧାରଣ ଜନତାଙ୍କ ପାଇଁ ଏସବୁ ରାସ୍ତାକୁ ବନ୍ଦ କରି ଦିଆଯାଇଛି ।

୨୧-ଆର୍ଥକ ସଙ୍କଟ ମଧ୍ୟରେ ଶ୍ରୀଲଙ୍କା । ସହାୟତାର ହାତ ବଢାଇଲା ଭାରତ

 ଶ୍ରୀଲଙ୍କାରେ ଆର୍ଥିକ ସଙ୍କଟ ଯୋଗୁ ଦେଶରେ ଜରୁରୀ ପରିସ୍ଥିତି ସୃଷ୍ଟି ହୋଇଛି । ପରିସ୍ଥିତିକୁ ନିୟନ୍ତ୍ରଣରେ ରଖିବା ପାଇଁ ଶ୍ରୀଲଙ୍କା ସରକାର ୩୬ ଘଣ୍ଟିଆ କଫ୍ୟୁ ଲାଗୁ କରିଛନ୍ତି । ପୋଲିସ ଏବଂ ସେନାକୁ ଅଖଣ୍ଡ କ୍ଷମତା ଦିଆଯାଇଛି । ଦେଶରେ ଏବେ ଲୋକେ ଭୋକ ଉପାସରେ ଆଉଟପାଉଟ୍ ହେଉଛନ୍ତି । ଆର୍ଥିକ ସ୍ଥିତି ଖରାପ ଥିବାରୁ ଦରଦାମ ଆକାଶ ଛୁଆଁ ରହିଛି । ରାଜରାସ୍ତାକୁ ଲୋକେ ଓହ୍ଲାଇବା ପରେ ହିଂସା ଦେଖିବାକୁ ମିଳିଛି । ଶ୍ରୀଲଙ୍କା ରାଷ୍ଟ୍ରପତି ଗୋଟବାୟା ରାଜପକ୍ଷଙ୍କ ବାସଭବନ ଆଗରେ ଲୋକେ ବସ ଜାଳିଦେଇଛନ୍ତି ।

ପରିସ୍ଥିତି ଅଣାୟତ ହେଉଥିବା ଔଷଧ ଦର ୩୦ ପ୍ରତିଶତ ମହଙ୍ଗା ହୋଇଥିବା ବେଳେ ପେଟ୍ରୋଲ ଓ ଡିଜେଲ ଦର ୩ରୁ ୪ ଗୁଣା ବୃଦ୍ଧି ପାଇଛି । ପ୍ରାୟ ପେଟ୍ରୋଲ ପମ୍ପ ବନ୍ଦ ହୋଇଯାଇଥିବା ବେଳେ ପଟ୍ରୋଲ ପମ୍ପରେ ସେନାର ଯବାନ ମୁତୟନ କରଯାଇଛି । ଚାଉଳ କିଲୋ ୫ ଶହ ଟଙ୍କା, ଚିନି କିଲୋ ୨୯୦ ଟଙ୍କା, ଚା କପ ପାଇଁ ଶହେ ଟଙ୍କା ଦେବାକୁ ପଡୁଛି । ବିଦେଶୀ ରୁଣ ବୋଝ ଏତେ ମାତ୍ରାରେ ବଢି ଯାଇଛି ଯେ, ରୁଣ ସୁଝିବାକୁ ଶ୍ରୀଲଙ୍କା ସରକାରଙ୍କ ପାଖରେ ଅର୍ଥ ନାହିଁ । ଏପରି ସ୍ଥଲେ ଶ୍ରୀଲଙ୍କାକୁ ସହଯୋଗର ହାତ ବଢାଇଛି ଭାରତ । ଭାରତ ଶ୍ରୀଲଙ୍କାକୁ ୪୦ ହଜାର ଟନ ଡିଜେଲ ପଠାଇଥିବା ବେଳେ ୪୦ ହଜାର ମେଟ୍ରିକ୍ ଟନ ଚାଉଳ, ଔଷଧ ଆଦି ପଠାଇଛି ।

୨୨-ଆଜିଠାରୁ ଆରମ୍ଭ ହେଉଛି ମୁସଲମାନଙ୍କ ପବିତ୍ର ରମଜାନ ମାସ । ଗତକାଲି ଚାନ୍ଦ ଦେଖାଯିବା ପରେ କଟକ ଦିୱାନ ବଜାରସ୍ଥିତ ଅଞ୍ଜୁମାନ ଇସ୍ଲାମିଆ ଚାନ୍ଦ କମିଟି ଏହି ଘୋଷଣା କରିଥିଲା। ଆଜିଠୁ ରୋଜା ରଖିବେ ମୁସଲମାନ ଭାଇ ଭଉଣୀ।

୨୩-ଆଇପିଏଲ୍‌-୧୫: ଆଜି ପଞ୍ଜାବ କିଙ୍ଗ୍‌ସ ଭେଟିବ ଚେନ୍ନାଇ ସୁପରକିଙ୍ଗ୍‌ସ, ବିଜୟ ଖାତା ଖୋଲିବାକୁ ସବୁ ଶକ୍ତି ଖଟାଇବ ଜାଡେଜା ବାହିନୀ;\

ମୁମ୍ବାଇ,୦୩/୦୪: ଚଳିତ ଆଇପିଏଲ୍‌ର ୧୧ତମ ଲିଗ୍‌ ମ୍ୟାଚ୍‌ରେ ଚେନ୍ନାଇ ସୁପରକିଙ୍ଗ୍‌ସ ଓ ପଞ୍ଜାବ କିଙ୍ଗ୍‌ସ ପରସ୍ପରକୁ ଭେଟିବାକୁ ଯାଉଛନ୍ତି। ଏହି ମ୍ୟାଚ୍‌କୁ ନେଇ ଦର୍ଶକ ମହଲରେ ଉତ୍ସାହ ଦ୍ୱିଗୁଣା ହୋଇ ଯାଇଛି । ରବିବାର ସବୁ ଶକ୍ତି ଖଟାଇ ବିଜୟ ଖାତା ଖୋଲିବାକୁ ସୁପରକିଙ୍ଗ୍‌ସ ଲକ୍ଷ୍ୟ ରଖିଛି । ଫଳରେ ମ୍ୟାଚ୍‌ଟି ତୀବ୍ର ସଂଘର୍ଷପୂର୍ଣ୍ଣ ହେବା ଆଶା କରାଯାଉଛି ।

ଡିଫେଣ୍ଡିଂ ଚାମ୍ପିଅନ୍‌ ସୁପରକିଙ୍ଗ୍‌ସ ପ୍ରଥମ ୨ଟି ମ୍ୟାଚ୍‌ ପରାଜିତ ହୋଇ ସାରିଛି । ପ୍ରଥମ ମ୍ୟାଚ୍‌ରେ କୋଲକାତା ନାଇଟ ରାଇଡର୍ସ ଓ ଦ୍ୱିତୀୟ ମ୍ୟାଚ୍‌ରେ ଲକ୍ଷ୍ନୌ ସୁପରଜାଏଣ୍ଟ୍‌ସ ଠାରୁ ପରାଜିତ ହୋଇଥିଲା । ଆହତ ସମସ୍ୟା ଦଳ ପାଇଁ ଚିନ୍ତାର କାରଣ ହୋଇଛି । ଆହତ ପେସ୍‌ ବୋଲର ଦୀପକ ଚହର ଚଳିତ ମାସ ଶେଷ ସୁଦ୍ଧା ଫେରିବାର ସମ୍ଭାବନା ନାହିଁ । ସେ ବେଙ୍ଗାଲୁରୁ ସ୍ଥିତ ଜାତୀୟ କ୍ରିକେଟ୍‌ ଏକାଡେମୀରେ ଚିକିତ୍ସିତ ହେଉଛନ୍ତି । ନାଇଟ ରାଇଡର୍ସ ବିପକ୍ଷ ମ୍ୟାଚ୍‌ରେ ଆହତ ହୋଇଥିବା ପେସ ବୋଲର ଆଡାମ ମିଲନେ ଫିଟ୍‌ ହୋଇ ନାହାନ୍ତି । ସେହିପରି ପେସ୍‌ ବୋଲର କ୍ରିସ୍‌ ଜୋର୍ଡାନ ଅସୁସ୍ଥ ହୋଇ ଗତ ୬ଦିନ ହେଲା ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ୩ଜଣ ପେସ୍‌ ବୋଲରଙ୍କ ଅନୁପସ୍ଥିତିରେ ସୁପରକିଙ୍ଗ୍‌ସକୁ ଶ୍ରେଷ୍ଠ ଏକାଦଶ ଚୟନ କରିବା କଷ୍ଟକର ହୋଇଯାଇଛି ।

ଅନ୍ୟ ପଟରେ ପଞ୍ଜାବ କିଙ୍ଗ୍‌ସ ଚିତ୍ତାକର୍ଷକ ବିଜୟ ସହ ସିଜନ ଆରମ୍ଭ କରିଥିଲେ ହେଁ ଦ୍ୱିତୀୟ ମ୍ୟାଚ୍‌ରେ କୋଲକାତା ନାଇଟ ରାଇଡର୍ସ ଠାରୁ ପରାଜିତ ହୋଇଥିଲା । ବିଜୟକୁ ଫେରିବା ପାଇଁ ଦଳ ବ୍ୟାକୁଳ । ତେବେ ଏହା ପୂର୍ବରୁ ଛୋଟ ମୋଟ୍‌ ତ୍ରୁଟି ସୁଧାରିବା ଜରୁରୀ । ବିଶେଷ କରି ବ୍ୟାଟିଂ ବିଭାଗକୁ ଦାୟିତ୍ୱ ମୁଣ୍ଡାଇବାକୁ ପଡ଼ିବ । ଉଭୟ ଦଳ ଏକାଦଶରେ ପରିବର୍ତ୍ତନ କରିବା ସମ୍ଭାବନା ନାହିଁ ।

ଚେନ୍ନାଇ ସୁପରକିଙ୍ଗ୍‌ସ: ଋତୁରାଜ ଗାଏକୱାଡ, ଡେଭନ କନୱେ, ରବିନ ଉଥପ୍ପା, ମୋଇନ ଅଲି, ଅମ୍ବାତି ରାୟୁଡୁ, ରବିନ୍ଦ୍ର ଜାଡେଜା (ଅଧିନାୟକ) , ମହେନ୍ଦ୍ର ସିଂ ଧୋନି, ଶିବମ ଦୁବେ, ଡ୍ୱେନ ବ୍ରାଭୋ, କ୍ରିସ୍‌ ଜୋର୍ଡାନ, ତୁଷାର ଦେଶପାଣ୍ଡେ ।

ପଞ୍ଜାବ କିଙ୍ଗ୍‌ସ: ଶିଖର ଧାୱନ, ମୟଙ୍କ ଅଗ୍ରୱାଲ୍‌(ଅଧିନାୟକ), ଭାନୁକା ରାଜାପାକ୍ସା, ଲାଏମ ଲିଭିଙ୍ଗଷ୍ଟୋନ, ରାଜ ବାୱା, ଶାହରୁଖ ଖାନ, ଓଡିନ ସ୍ମିଥ୍‌, ହରପ୍ରୀତ ବ୍ରାର, ଅର୍ଶଦୀପ ସିଂହ, କାଗିସୋ ରାବାଡା, ରାହୁଲ ଚହର ।

୨୪-କରୋନା : ଆଗକୁ ଚିନ୍ତା ବଢ଼ାଇପାରେ ନୂଆ ଭାରିଆଣ୍ଟ ଏକ୍ସଇ । ଓମିକ୍ରମ ଅପେକ୍ଷା ଏହା ୧୦ ଗୁଣ ଅଧିକ ସଂକ୍ରାମକ

କରୋନାକୁ ନେଇ ଏକ ଭଲ ଖବର ସାମ୍ନାକୁ ଆସିଥିବା ବେଳେ ଏକ ଚିନ୍ତାଜନକ ଖବର ମଧ୍ୟ ସାମ୍ନାକୁ ଆସିଛି । ମାର୍ଚ୍ଚ ଶେଷ ସପ୍ତାହରେ ସାରାବିଶ୍ୱରେ ହ୍ରାସ ପାଇଛି କରୋନା ସଂକ୍ରମଣ । ମାର୍ଚ୍ଚ ପ୍ରଥମ ସପ୍ତାହରେ ୟୁରୋପ, ଚୀନ ଓ ଦକ୍ଷିଣ କୋରିଆ ସମେତ ବିଶ୍ୱର କେତେକ ଭାଗରେ କରୋନା ମାମଲା ବଢିବାରେ ଲାଗିଥିଲା ।ହେଲେ ମାର୍ଚ୍ଚ ୨୧ରୁ ୨୭ରେ ଶେଷ ହୋଇଥିବା ସପ୍ତାହରେ ସଂକ୍ରମଣ ହାର ପ୍ରାୟ ୧୪ ପ୍ରତିଶତ କମିଯାଇଛି । ଯାହା ଏକ ଆଶ୍ୱସ୍ତିକର ଖବର ବୋଲି କହିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ହେଲେ କରୋନାର ଏକ ନୂଆ ଭାରିଆଂଟ- ଏକ୍ସଇ ଆଗକୁ ଚିନ୍ତା ବଢାଇପାରେ ବୋଲି ଆଶଙ୍କା କରାଯାଉଛି । କାରଣ କରୋନାର ଓମିକ୍ରନ ଭାରିଆଂଟ ଅପେକ୍ଷା ଏହା ୧୦ ଗୁଣା ଅଧିକ ସଂକ୍ରାମକ ବୋଲି କହୁଛନ୍ତି ବିଶେଷଜ୍ଞ ।

- ମାର୍ଚ୍ଚ ୨୧ରୁ ୨୭ ମଧ୍ୟରେ ବିଶ୍ୱରେ ପ୍ରାୟ ୧ କୋଟି ଲୋକ କରୋନା ସଂକ୍ରମିତ

- ଏହି ସପ୍ତାହରେ ସାରାବିଶ୍ୱରେ ୪୫ ହଜାର କରୋନା ଜମିତ ମୃତ୍ୟୁ ରେକର୍ଡ

- ଚୀନ ଓ କୋରିଆ ସମେତ ଜର୍ମାନୀ, ଫ୍ରାନ୍ସ, ଇଟାଲି, ଭିଏତନାମରୁ ସର୍ବାଧିକ କରୋନା ଆକ୍ରାନ୍ତ ଚିହ୍ନଟ

- ଆମେରିକା ଓ ଚିଲିରେ ସର୍ବାଧିକ କରୋନା ଜନିତ ମୃତ୍ୟୁ ରେକର୍ଡ

- ଡବ୍ଲୁଏଚଓ ସୂଚନା ଅନୁସାରେ ଓମିକ୍ରନ ଓ ଡେଲ୍ଟା ଭୂତାଣୁର ପ୍ରଭାବ ଅଧିକ ଦେଖିବାକୁ ମିଳିଛି

- ଜାନୁଆରୀ ୧୯ରେ ଇଂଲଣ୍ଡରେ ପ୍ରଥମେ ଚିହ୍ନଟ ହୋଇଥିଲା କରୋନାର ନୂଆ ଭୁତାଣୁ- ଏକ୍ସଇ

- ଓମିକ୍ରନ ଭୂତାଣୁର ବିଏ-୧ ଏବଂ ବିଏ-୨ ମିଶ୍ରଣରେ ଏହି ନୂଆ ଭୂତାଣୁର ଉତ୍ପତି ହୋଇଛି

- ଓମିକ୍ରମ ଭୂତାଣୁ ଅପେକ୍ଷା ଏହା ୧୦ ଗୁଅ ଅଧିକ ସଂକ୍ରାମକ ବୋଲି କହିଛି ଡବ୍ଲୁଏଚଓ

- ଏପର୍ଯ୍ୟନ୍ତ ସାରାବିଶ୍ୱରେ ୬୦୦ରୁ ଅଧିକ ଲୋକଙ୍କଠାରେ ଏକ୍ସଇ ଭୂତାଣୁ ଚିହ୍ନଟ ହୋଇଛି

୨୫-ଶ୍ରୀମନ୍ଦିରରେ ଅଭାବନୀୟ ଘଟଣା । ଶ୍ରୀଜଗନ୍ନାଥଙ୍କ ରୋଷଘରୁ ୭୦୦ ଟି ଚୁଲା ମଧ୍ୟରୁ ୩୦୦ ଚୁଲା ଭଙ୍ଗାଯାଇଥିବା ସୂଚନା, ଚୁଲା ଭାଙ୍ଗିଦେଲେ ଦୁର୍ବୃତ ।

ଶ୍ରୀମନ୍ଦିରରେ ଅଭାବନୀୟ ଘଟଣା । ରୋଷ ଘରେ ଚୁଲି ଭାଙ୍ଗିଦେଲେ ଦୁର୍ବୃତ । ରୋଷ ଘରେ ୩୦୦ରୁ ଅଧିକ ଚୁଲି ଭଙ୍ଗାଯାଇଛି । ଶ୍ରୀମନ୍ଦିର ପ୍ରଶାସନ ପକ୍ଷରଚ ଘଟଣାର ତଦନ୍ତ ଆରମ୍ଭ ହୋଇଛି । ସେବାୟତମାନଙ୍କ ଭିତରେ ପୂର୍ବ ଶତ୍ରୁତାକୁ ନେଇ ଚୁଲି ଭଙ୍ଗାଯାଇଥିବା ଅନୁମାନ କରାଯାଉଛି ।ଶ୍ରୀମନ୍ଦିର ରୋଷ ଘରେ ୭୦୦ ଶହ ଚୁଲି ରହିଛି । ଭଙ୍ଗା ଯାଇଥିବା ଚୁଲିରେ ବରାଦି ଭୋଗ କରାଯାଇଥାଏ ।

ମହାପ୍ରଭୁ ଶ୍ରୀଜଗନ୍ନାଥଙ୍କ କୋଟି କୋଟି ଭକ୍ତଙ୍କ ଭାବାବେଗ ସହ ଖେଳ । ପରସ୍ପର ଭିତରେ ଶତ୍ରୁତା କାରଣରୁ ଜଗନ୍ନାଥଙ୍କ ରୋଷ ଘର ଚୁଲା ଭାଙ୍ଗି ଦେଇଛନ୍ତି ସେବାୟତ । ପୁରୀ ଶ୍ରୀମନ୍ଦିରରୁ ଆସିଥିବା ଏଭଳି ସାଂଘାତିକ ଖବର ଏବେ ଭକ୍ତ ମହଲରେ ଅସନ୍ତୋଷ ବଢାଉଛି । ମିଳିଥିବା ସୂଚନା ଅନୁସାରେ ଶ୍ରୀମନ୍ଦିର ରୋଷ ଘରେ ଥିବା ୭୦୦ ଚୁଲାରୁ ୩୦୦ରୁ ଅଧିକ ଚୁଲା ଭାଙ୍ଗି ଦିଆଯାଇଛି । ସୁଆର ମହାସୁଆର ନିଯୋଗର ସଭାପତି କହିଛନ୍ତି, କବାଟ ନଥିବାରୁ କେହି ଦୁର୍ବୃତ ପଶି ଚୁଲା ଗୁଡିକୁ ଭାଙ୍ଗି ଦେଇଛନ୍ତି । ଏପରିକି ଶ୍ରୀମନ୍ଦିର ସୁରକ୍ଷା ଉପରେ ସେ ପ୍ରଶ୍ନ ଉଠାଇଛନ୍ତି । କିନ୍ତୁ ନିଜ ଭିତରେ ଶତ୍ରୁତା କାରଣରୁ ସେବାୟତ ଚୁଲା ଭାଙ୍ଗି ଦେଇଥିଲେ କଥା ଅତି ସାଂଘାତିକ । ଯେଉଁ ଶ୍ରୀମନ୍ଦିର ଓ ମହାପ୍ରଭୁ ଶ୍ରୀଜଗନ୍ନାଥଙ୍କ ପାଇଁ ୬୦ ପଉଟି ଭୋଗ ହୋଇଥାଏ ଓ ଅତି ନିଷ୍ଠାର ସହ ସେବାୟତମାନେ ଏହାକୁ କରିଥାନ୍ତି ସେଠାରେ ବ୍ୟକ୍ତି ଶତ୍ରୁତାରୁ ଚୁଲି ଭାଙ୍ଗି ଦେବା ଘଟଣା ଅତି ସାଂଘାତିକ ।

୨୬-ଫାଙ୍କା ପଡିଥିବା ସରକାରୀ ପଦବୀ ପୂରଣ ଦିଗରେ ପ୍ରଧାନମନ୍ତ୍ରୀଙ୍କ ଗୁରୁତ୍ୱ । ଖୁବ ଶୀଘ୍ର କେନ୍ଦ୍ର ସରକାରଙ୍କ ଅଧିନରେ ଖାଲି ପଡିଥିବା ପଦବୀରେ ନିଯୁକ୍ତି ପାଇଁ ମୋଦିଙ୍କ ନିର୍ଦ୍ଦେଶ

୨୭-ରାଉରକେଲା: ଜିଏସ୍‌ଟି ଠକେଇ ଅଭିଯୋଗରେ କେନ୍ଦ୍ରୀୟ GST ଟିମ୍‌ର ରେଡ୍; ଘରୋଇ ସଂସ୍ଥା ଟପ୍ ଟେକ୍‌ କାର୍ଯ୍ୟାଳୟ ସମେତ ୩ଟି ସ୍ଥାନରେ ରେଡ୍; କୁଆଁରମୁଣ୍ଡା, ରାଉରକେଲା ସହର ଓ କୋଲୁଙ୍ଗାରେ ରେଡ୍; ୧୦ କୋଟିରୁ ଊର୍ଦ୍ଧ୍ୱ GST ଫାଙ୍କିବା ଅଭିଯୋଗରେ ରେଡ୍ ।

୨୮-ଶ୍ରୀଲଙ୍କାରେ ସୋସିଆଲ୍-ମିଡିଆ ବନ୍ଦ

•ଶ୍ରୀଲଙ୍କାରେ ସୋସିଆଲ୍ ମିଡିଆ ଉପରେ ଲାଗିଲା ରୋକ

•ଫେସବୁକ୍, ଟ୍ୱିଟର, ଇନଷ୍ଟାଗ୍ରାମ୍, ହ୍ୱାଟ୍ସଆପ୍, ଟିକ୍‌ଟକ୍ ଉପରେ ରୋକ୍

•ଆନ୍ଦୋଳନାତ୍ମକ ସ୍ଥିତି ନିୟନ୍ତ୍ରଣ ପାଇଁ ରୋକ୍ ଲଗାଇଲେ ସରକାର