🌅ଆଜିର ଖବର, ତାରିଖ ୦୬-ଏପ୍ରିଲ୍-୨୦୨୨, ବୁଧବାର

ତାରିଖ  ୦୬-ଏପ୍ରିଲ୍-୨୦୨୨, ବୁଧବାର

•┈┈┈┈┈┈┈┈┈┈┈┈┈┈┈┈┈┈┈┈┈┈•

➡️୧-ଆସନ୍ତା ୯ତାରିଖ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା ଅନୁଷ୍ଠିତ ହେବ। ଅପରାହ୍ନ ୩ଟା ୩୦ରେ ରଥ ଟଣା ଯିବା ସହ ଗୋଟିଏ ଦିନରେ ରାମେଶ୍ୱର ମନ୍ଦିରରେ ରଥ ପହଞ୍ଚିବ ବୋଲି ନିଷ୍ପତ୍ତି ହୋଇଛି।

➡️ ୨-୨୦୨୧-୨୨ ବର୍ଷ ପାଇଁ ସମସ୍ତ ବର୍ଗର ଛାତ୍ରବୃତ୍ତି ଆବେଦନ ଅବଧି ବଢିଲା। ମେ’ ୫ ତାରିଖ ସୁଦ୍ଧା ଇ-ମେଧାବୃତ୍ତି (ୟୁଜି, ପିଜି, ବୈଷୟିକ ଏବଂ ବୃତ୍ତିଗତ) ପାଇଁ ଛାତ୍ରୀଛାତ୍ରମାନେ ଅନ୍‌ଲାଇନ୍‌ ରେ ଆଦେବନ କରିପାରିବେ। 

➡️୩-ଦେଶର ୭ଟି ରାଜ୍ୟରେ ଆସନ୍ତା ୫ ଦିନ ପାଇଁ ଅସହ୍ୟ ତାତି ସହିତ ଲୁ ଚେତାବନୀ ଜାରି କଲା ପାଣିପାଗ ବିଭାଗ । ଜମ୍ମୁ ଡିଭିଜନ, ହିମାଚଳ ପ୍ରଦେଶ, ହରିୟାଣା, ଦିଲ୍ଲୀ, ଉତ୍ତରପ୍ରଦେଶ, ରାଜସ୍ଥାନ, ମଧ୍ୟପ୍ରଦେଶ ପ୍ରବଳ ଗରମ ହେବା ସହିତ ଝାଞ୍ଜି ପବନ ବହିବାର ସମ୍ଭାବନା ରହିଛି ।

➡️୪-ଶ୍ରୀମନ୍ଦିର ରୋଷଘର ଚୁଲି ଭଙ୍ଗା ଘଟଣାରେ ସନ୍ଦିଗ୍ଧ ବ୍ୟକ୍ତିଙ୍କୁ ଅଟକ ନେଇ ପୁରୀ ଏସପି ଦେଲେ ସୂଚନା ।

➡️ ୫-ଭୁନେଶ୍ବରସ୍ଥିତ ସମ୍‌ ଅଲ୍ଟିମେଟ୍‌ ମେଡିକେୟାର ଆଜି ଆୟୋଜନ କରୁଛି ଫୁଡ୍‌ ଫେଷ୍ଟିଭାଲ୍‌ । ଏହି ୧୨ ଘଂଟିଆ ଫୁଡ୍‌ ଫେଷ୍ଟିଭାଲ୍‌ ସକାଳ ୯ ଟାରୁ ହେବ ଆରମ୍ଭ ।

➡️ ୬-ପୁଣିଥରେ ଭାରତର ସବୁଠୁ ଧନୀ ହେଲେ ମୁକେଶ ଅମ୍ୱାନୀ, ଦ୍ୱିତୀୟରେ ରହିଲେ ଆଦାନୀ । ମୁକେଶ ଅମ୍ୱାନୀଙ୍କ ମୋଟ ସମ୍ପତ୍ତି ୯୦.୭ ବିଲିୟନ ଡଲାର ରହିଛି।

➡️ ୭-ଏଣିକି ରାଜଧାନୀର ଯେ କୌଣସି ଅଂଚଳର ବାସିନ୍ଦା SCOOPY ଡାଉନଲୋଡ କରି ଘରକୁ ମନ୍ଦିର ଅନ୍ନପ୍ରସାଦ ମଗାଇପାରିବେ।

➡️୮-ବିଶ୍ୱସ୍ତରୀୟ ଆଗ୍ନିକ ପ୍ରଶିକ୍ଷଣ କେନ୍ଦ୍ର ଭାବେ ବିକଶିତ ହେବ ରାମଚଣ୍ଡୀ ନିକଟସ୍ଥ ଓସୱାଲୀ କେନ୍ଦ୍ର । ଏ ନେଇ ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ୍‌ ଦିବ୍ୟ ଶଙ୍କର ମିଶ୍ର ଦେଲେ ସୂଚନା ।

➡️୯-ଜୟପୁର ଏୟାରଷ୍ଟ୍ରିପ ସୁରକ୍ଷା ଯାଞ୍ଚ କଲେ ୫ ଜଣିଆ ବିକାଶ ଟିମ୍ । ୨ ମାସ ମଧ୍ୟରେ କାମ ‌ଶେଷ ହେଲେ ଜୟପୁରରୁ ବିମାନ ଉଡିବା ନେଇ ଆଶା ରହିଛି।

➡️୧୦-ବକ୍ସ ଅଫିସରେ ଜାରି ରହିଛି ଫିଲ୍ମ ‘ଆର୍‌ଆର୍‌ଆର୍‌’ର ଝଡ। ରିଲିଜ ହେବା ପର ଦିନଠାରୁ ଏହି ଫିଲ୍ମ ରେକର୍ଡ ଉପରେ ରେକର୍ଡ କରି ଚାଲିଛି। ୧୦ ଦିନ ଭିତରେ ପାଖାପାଖି ୧୦୦୦ କୋଟିର ବ୍ୟବସାୟ କରି ସାରିଲାଣି ଏହି ଫିଲ୍ମ।

➡️୧୧-ସୁନ୍ଦରଗଡ଼ ଜିଲ୍ଲାରେ ଧାନ ସଂଗ୍ରହ ପ୍ରକ୍ରିୟାରେ ମହିଳା ସ୍ୱୟଂ ସହାୟକ ଗୋଷ୍ଠୀର ସଫଳତା, ୭ଟି ବ୍ଲକରୁ ୧ ଲକ୍ଷରୁ ଅଧିକ କୁଇଣ୍ଟାଲ ଧାନ କଲେ ସଂଗ୍ରହ ।

➡️୧୨-କନ୍ଧମାଳରେ ଆରମ୍ଭ ହେଲା ୧୩ ଦିନିଆ ଦଣ୍ଡଯାତ୍ରା, ଗାଁ ଠୁ ସହର ସବୁଠି ଅନୁଭବ ହେଉଛି ଭକ୍ତିଭାବ ପରିବେଶ । ମହାମାରୀ କରୋନା କଟକଣା ଯୋଗୁଁ ଗତ ଦୁଇ ବର୍ଷ ଦଣ୍ଡଯାତ୍ରା ହୋଇପାରିନଥିଲା ।

➡️୧୩-ଚଳିତ ବର୍ଷ ଦେଶରେ ୩୯ ବାଘଙ୍କ ମୃତ୍ୟୁ ଘଟିଛି। ସେଥିମଧ୍ୟରୁ ମଧ୍ୟପ୍ରଦେଶରେ ସର୍ବାଧିକ ୧୫ ବାଘଙ୍କ ଜୀବନ ଯାଇଛି। 

➡️୧୪-ହାଇକୋର୍ଟରେ ହାଜର ହେଲେ କେନ୍ଦ୍ର ସ୍ବାସ୍ଥ୍ୟ ସଚିବ । କରୋନା ପ୍ରତିଷେଧକ ଟିକାକରଣ ସଂପର୍କିତ ସାର୍ଟିଫିକେଟରେ ତ୍ରୁଟି ସଂଶୋଧନ ସଂକ୍ରାନ୍ତୀୟ ମାମଲାରେ ହେଲେ ହାଜର ।

➡️୧୫-ଅଣ୍ଡା ଉତ୍ପାଦନରେ ସର୍ବନିମ୍ନ ସହାୟକ ମୂଲ୍ୟ ଧାର୍ଯ୍ୟ କରିବା ପାଇଁ ରାଜି ହେଲେ ଜାତୀୟ ଅଣ୍ଡା ସମନ୍ୱୟ ସମିତି (ଏନ୍ଇସିସି)। ଏ ସମ୍ପର୍କରେ ତୁରନ୍ତ ନିଷ୍ପତ୍ତି ଗ୍ରହଣ କରି ଚଳିତ ମାସ ୧୫ ତାରିଖରୁ ସଂଶୋଧିତ ସର୍ବନିମ୍ନ ସହାୟକ ମୂଲ୍ୟ ନିର୍ଦ୍ଧାରଣ ହେବ ।

➡️୧୬-ପାକିସ୍ତାନରେ ବାଲାଟ୍‌ ପେପର୍‌ ପାଇଁ କାଗଜ ସଙ୍କଟ, ୩ ମାସ ମଧ୍ୟରେ ନିର୍ବାଚନ କରିବାକୁ ମନା କଲେ ଇସି ।

➡️୧୭-ସଂକଟରେ ଶ୍ରୀଲଙ୍କା ରାଷ୍ଟ୍ରପତିଙ୍କ ମେଣ୍ଟ ସରକାର, ଓହରି ଗଲେ ୪୧ ସାଂସଦ ।

➡️୧୮-ଅନୁଚ୍ଛେଦ ୩୭୦ ଉଚ୍ଛେଦ ପରେ ପ୍ରଥମ ଥର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ୨୪ ତାରିଖରେ ଜାମ୍ମୁ-କାଶ୍ମୀର ଗସ୍ତରେ ଯିବେ ।

➡️୧୯-ଚଳିତବର୍ଷ ବର୍ମିଂହାମ୍‌ରେ ରାଜ୍ୟଗୋଷ୍ଠୀ କ୍ରୀଡ଼ା ଓ ଚୀନ୍‌ର ହ୍ବାଙ୍ଗ୍‌ଝୌରେ ଏସୀୟ କ୍ରୀଡ଼ା ଆୟୋଜନ ହେବ। ଏଥିପାଇଁ ଭାରତୀୟ ଖେଳାଳିଙ୍କୁ ପ୍ରସ୍ତୁତ କରିବା ଲାଗି କେନ୍ଦ୍ର କ୍ରୀଡ଼ା ମନ୍ତ୍ରାଳୟ ୧୯୦ କୋଟି ଟଙ୍କା ଖର୍ଚ୍ଚକରିବ ।

➡️୨୦-ଏଫ୍‌ଆଇଏଚ୍‌ କନିଷ୍ଠ ମହିଳା ହକି ବିଶ୍ବକପ୍‌: ମୁମତାଜ୍‌ଙ୍କ ହ୍ୟାଟ୍ରିକ୍‌, ମାଲେସିଆକୁ ହରାଇ ଭାରତ ପୁଲ୍‌ ବିଜେତା ।