🌅ଆଜିର ଖବର, ୦୭-ଏପ୍ରିଲ୍-୨୦୨୨, ଗୁରୁବାର🌄

୦୭-ଏପ୍ରିଲ୍-୨୦୨୨, ଗୁରୁବାର ର ଖବର

•┈┈┈┈┈┈┈┈┈┈┈┈┈┈┈┈┈┈┈┈┈┈•

➡️୧-ରାଜ୍ୟର ୧୦୫ ପୌରାଞ୍ଚଳ ଓ ବିଜ୍ଞାପିତ ପରିଷଦ ଅଞ୍ଚଳ (ଏନଏସି)ର ଉପାଧ୍ୟକ୍ଷ ଏବଂ କଟକ ମହାନଗର ନିଗମ(ସିଏମସି)ର ଡେପୁଟି ମେୟର ପଦବୀ ପାଇଁ ଆଜି ପରୋକ୍ଷ ନିର୍ବାଚନ ଅନୁଷ୍ଠିତ ହେବ।

➡️୨-ଘୁଞ୍ଚିଲା ଜେଇଇ ମେନ୍ ପରୀକ୍ଷା । ଜୁନ୍ ୨୦ରୁ ୨୯ ପର୍ଯ୍ୟନ୍ତ ଜେଇଇ (ମେନ୍‌) ପ୍ରଥମ ପର୍ଯ୍ୟାୟ ଏବଂ ଜୁଲାଇ ୨୧ରୁ ୩୦ ପର୍ଯ୍ୟନ୍ତ ଦ୍ୱିତୀୟ ପର୍ଯ୍ୟାୟ ପରୀକ୍ଷା ଅନୁଷ୍ଠିତ ହେବ । ସେହିପରି ଜୁଲାଇ ୧୭ରେ ହେବ ନିଟ୍‌ ପରୀକ୍ଷା ।

➡️୩-ଭାରତ କୃଷି ଉତ୍ପାଦ ରପ୍ତାନି କ୍ଷେତ୍ରରେ ଐତିହାସିକ ରେକର୍ଡ ସୃଷ୍ଟି କଲା । ୨୦୨୧-୨୨ ଆର୍ଥିକ ବର୍ଷରେ କୃଷି ଉତ୍ପାଦ ରପ୍ତାନି ପରିମାଣ ୫୦ ବିଲିୟନ ଡଲାର ଅତିକ୍ରମ କରିଲା ।

➡️୪-ଜଳୁଛି ପଶ୍ଚିମ ଓଡ଼ିଶା । ପଶ୍ଚିମ ଓଡ଼ିଶାର ୬ ଜିଲାରେ ଅସହ୍ୟ ତାତି ଅନୁଭୂତ ହେଉଥିବାବେଳେ ୯ ଜିଲାରେ କାଳବୈଶାଖୀ ତାଣ୍ଡବ ରଚିଛି। 

➡️୫-କରୋନା ମହାମାରୀ କାରଣରୁ ଗତ ଦୁଇ ବର୍ଷ ଧରି ବନ୍ଦ ରହିଥିବା ବାବା ଅମରନାଥ ଯାତ୍ରାଙ୍କ ଚଳିତ ବର୍ଷ ୩୦ ଜୁନରୁ ଆରମ୍ଭ ହେବାକୁ ଯାଉଛି । ଏଥିପାଇଁ ୧୧ ଏପ୍ରିଲରୁ ରେଜିଷ୍ଟ୍ରେସନ ଆରମ୍ଭ ହେବ ।

➡️୬-ଜିଓ-ବିପି ଓ ଟିଭିଏସ୍ ମୋଟର ମଧ୍ୟରେ ସହଯୋଗିତା, ଦୁଇ ଚକିଆ, ତିନି ଚକିଆ ଇଲେକ୍ଟ୍ରିକ୍ ଯାନ ପାଇଁ ଖୁବ୍ ଶୀଘ୍ର ଚାର୍ଜିଂ ଷ୍ଟେସନ ସ୍ଥାପନ କରିବେ ।

➡️୭-ଗୋ-ପାଳନ କ୍ଷେତ୍ରରେ ବିଦେଶୀ ଫର୍ମୁଲା ଆପଣେଇବ ଓଡିଶା, ଇଞ୍ଜେକ୍ସନ ଦେଲେ ଜନ୍ମ ହେବେ ଖାଲି ୯୦ ପ୍ରତିଶତ ମାଈ ବାଛୁରୀ ।

➡️୮-ପେଟ୍ରୋଲ, ଡିଜେଲ ଦର ଆହୁରି ବଢ଼ିବ: ୧୬ ଦିନରେ ବଢ଼ିଲାଣି ୧୧ ଟଙ୍କା, ମାଲକାନଗିରିରେ ୧୧୮ ଛୁଇଁଲା ।

➡️୯-ତାଳଚେରର ଅଧିଷ୍ଠାତ୍ରୀ ଦେବୀ ଅଗ୍ନିରୂପା ମା’ ହିଙ୍ଗୁଳାଙ୍କ ସୁପ୍ରସିଦ୍ଧ ଜନ୍ତାଳ ପର୍ବ  ଗୋପାଳପ୍ରସାଦସ୍ଥିତ ହିଙ୍ଗୁଳା ପୀଠରେ ଗତକାଲି ଅନୁଷ୍ଠିତ ହୋଇଯାଇଛି । 

➡️୧୦-ଆସନ୍ତା ସପ୍ତାହରେ ରଣବୀରଙ୍କ ବାନ୍ଦ୍ରାରେ ଥିବା ଘରେ  ବିବାହ ବନ୍ଧନରେ ବାନ୍ଧି ହେବେ ରଣବୀର-ଆଲିଆ ।

➡️୧୧-କେନ୍ଦ୍ରୀୟ ସଡକ ପରିବହନ ଏବଂ ରାଜମାର୍ଗ ମନ୍ତ୍ରୀ ନୀତିନ ଗଡକରୀ କହିଲେ, ସଡକ ପରିବହନ ଏବଂ ରାଜମାର୍ଗ ମନ୍ତ୍ରଣାଳୟ ଏଣିକି ଗୁରୁତର ଆହତ ବ୍ୟକ୍ତିଙ୍କୁ ଦିଆଯାଉଥିବା ରାଶିକୁ ୧୨,୫୦୦ ଟଙ୍କାରୁ ବଢାଇ ୫୦  ହଜାର ଟଙ୍କା କରିଛନ୍ତି। ଏଥିସହ ମୃତ୍ୟୁ ମାମଲାରେ କ୍ଷତିପୂରଣ ୨୫ ହଜାର ଟଙ୍କାରୁ ବଢାଇ ୨ ଲକ୍ଷ ଟଙ୍କା କରିଛନ୍ତି।

➡️୧୨-ଆସନ୍ତା ୧୧ ରୁ ୧୩ ତାରିଖ ମଧ୍ୟରେ ଆସାମର ରାଜଧାନୀ ଗୌହାଟୀରେ ଅନୁଷ୍ଠିତ ହେବ ସର୍ବଭାରତୀୟ ବାଚସ୍ପତି ସମ୍ମିଳନୀ। ଏହି ଅବସରରେ ତିନି ଦିନିଆ ଆସାମ ଗସ୍ତରେ ଯିବେ ବାଚସ୍ପତି ଡ଼ଃ ସୂର୍ଯ୍ୟ ନାରାୟଣ ପାତ୍ର ।

➡️୧୩-ମୁମ୍ବଇରେ କରୋନାର ନୂଆ ଏକ୍ସଇ ପ୍ରଜାତି ହେଲା ଚିହ୍ନଟ ।ଜଣେ ୫୦ବର୍ଷୀୟା ମହିଳାଙ୍କଠାରେ ଏହି ପ୍ରଜାତିର ଭୂତାଣୁ ଠାବ ହୋଇଛି। ବିଏମ୍‌ସି ଅଧିକାରୀଙ୍କ କହିବା ଅନୁଯାୟୀ ମହିଳା ଜଣଙ୍କ ସମ୍ପୂର୍ଣ୍ଣ ଦୁଇପାନ ଟିକା ନେଇଛନ୍ତି।

➡️୧୪-ଦିଲ୍ଲୀ, ଗୁରୁ ଘାସିଦାସ ବିଶ୍ୱବିଦ୍ୟାଳୟରେ ପ୍ରତିଷ୍ଠା ହେବ ସନ୍ଥକବିଙ୍କ ଚେୟାର, ଏନେଇ ଗାନ୍ଧୀ ଜୟନ୍ତୀରେ ୟୁଜିସିକୁ ନିର୍ଦ୍ଦେଶ ଦେଇଥିଲେ କେନ୍ଦ୍ରମନ୍ତ୍ରୀ ।

➡️୧୫-ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଲେ ଏନସିପି ମୁଖ୍ୟ ଶରଦ ପାୱାର । କହିଲେ“ମୁଁ ରାଜ୍ୟସଭା ସଦସ୍ୟ ସଞ୍ଜୟ ରାଉତଙ୍କ ସହ ଜଡିତ ମାମଲା ବିଷୟରେ ପ୍ରଧାନମନ୍ତ୍ରୀଙ୍କ ସହ କଥା ହେଲି। 

➡️୧୬-ଚୀନ୍‌ର ସାଂଘାଇରେ ଅଣାୟତ୍ତ ହେଉଛି କରୋନା ସଂକ୍ରମଣ; ଖାଦ୍ୟ ସାମଗ୍ରୀ ପାଇଁ ସଂଘର୍ଷ କରୁଛନ୍ତି ଲୋକ। 

➡️୧୭-ରୁଷ ଉପରେ ନୂତନ କଟକଣା ଲଗାଇଲା ଆମେରିକା, ରୁଷ ବ୍ୟାଙ୍କ ସହିତ ପୁଟିନଙ୍କ ଝିଅକୁ କଲା ଟାର୍ଗେଟ୍। କେବଳ ଏତିକି ନୁହେଁ ରୁଷରେ ନୂତନ ନିବେଶ ଉପରେ ମଧ୍ୟ ରୋକ୍ ଲଗାଇଲା ।

➡️୧୮-କଳିଙ୍ଗ ଷ୍ଟାଡ଼ିୟମରେ ଭାରତ ଓ ନେଦରଲାଣ୍ଡ୍‌ସ ମଧ୍ୟରେ ଏଫ୍‌ଆଇଏଚ୍‌ ମହିଳା ପ୍ରୋ ଲିଗ୍‌ ହକି ମ୍ୟାଚ ଚଳିତ ଏପ୍ରିଲ ୮ ଓ ୯ରେ ଖେଳାଯିବ। ଏଥିପାଇଁ ନେଦରଲାଣ୍ଡ୍‌ସ ମହିଳା ହକି ଦଳ ଗତକାଲି ଭୁବନେଶ୍ବରରେ ପହଞ୍ଚିଲେ।

➡️୧୯-ହକି ଇଣ୍ଡିଆର ପୂର୍ବତନ ସଭାପତି, ଭାରତୀୟ ଅଲିମ୍ପିକ୍ସ ସଂଘର ମୁଖ୍ୟ ତଥା ଅନ୍ତର୍ଜାତୀୟ ହକି ମହାସଂଘର ସଭାପତି ନରିନ୍ଦର ବାତ୍ରା ସିବିଆଇ ଜାଲରେ ଫସିଲେ ।

➡️୨୦-ଆନ୍ତର୍ଜାତିକ କ୍ରୀଡ଼ା ଦିବସରେ ଗତକାଲି ଚନ୍ଦ୍ରଶେଖରଙ୍କୁ ମିଳିଲା  ଜୁଡୋ‌ ଜୁଏଲ୍‌ ସମ୍ମାନ: ବିକାଶ ପଟ୍ଟନାୟକଙ୍କୁ ମିଳିଲା ଜୀବନବ୍ୟାପୀ ସେବା ସମ୍ମାନ ।

➡️ଘରୁ ବାହାରକୁ ଯିବା ସମୟରେ ସାଙ୍ଗରେ ପାଣି, ଛତା, ଗାମୁଛା ଧରି ବାହାରକୁ ଯାଆନ୍ତୁ ଏବଂ ଖରାଦିନିଆ ବିଭିନ୍ନ ରୋଗ ଦାଉରୁ ରକ୍ଷା ପାଇବା ପାଇଁ ଖରାପ୍ରତି ସତର୍କ ରହନ୍ତୁ ।

ଆଜି ବିଶ୍ଵ ସ୍ଵାସ୍ଥ୍ୟ ଦିବସ